
ЧЫТАЙЦЕ Ў №6 ЧАСОПІСА «БУСЯ»:
Надышла зіма, і таму ў нумары абавязкова знойдзеце вершы пра гэту пару года, пра зімовыя святы і забавы, даведаецеся, хто як зімуе.
Чым і як можна ўпрыгожыць снегавіка? Шукайце адказ у апавяданні С. Чыгрына і вершы Н. Момлік. А ў прапанаваным заданні кожнаму снегавіку трэба знайсці пару. Будзьце пільнымі!
Завяршаем публікацыю твораў пра прыродныя сімвалы Беларусі. У гэтым нумары гаворка пойдзе пра сасну — вялікага сябра людзей і ўсёй беларускай прыроды. “Бусева маляванка” навучыць маляваць гэта цудоўнае дрэва.
Пад рубрыкай “Урокі дабрыні” чакайце чарговую гісторыю-казку Г. Скаржынскай-Савіцкай пра Мішку. Цікава даведацца, што здарылася з ім на гэты раз?
Да сустрэчы ў 2026 годзе!

