19 сакавіка 2025 г. у канферэнц-зале выдавецтва «Адукацыя і выхаванне» адбылося ўрачыстае мерапрыемства, прысвечанае чарговай гадавіне пачатку выхаду ў свет «Беларускага гістарычнага часопіса».
 |
|
Павіншаваць старэйшае выданне па гісторыі прыйшлі супрацоўнікі музеяў, бібліятэк, архіўных устаноў, настаўнікі гісторыі школ рэспублікі, выкладчыкі, аспіранты, студэнты і выпускнікі БДУ, БДПУ, БДУФК, удзельнікі СНДЛ «Кліа» гістарычнага факультэта БДПУ, вучні гімназіі СШ № 223 імя Іона Солтыса і СШ № 177 г. Мінска, аўтары нумара і прыхільнікі часопіса агульнай колькасцю больш 50 чалавек.
 |
 |
Дырэктар выдавецтва В.Я. Навагродскі, галоўны рэдактар А.А. Корзюк і намеснік галоўнага рэдактара часопіса Н.У. Матусевіч падвялі вынікі конкурса на лепшы навуковы і метадычны артыкул, прымеркаваны да Года якасці, і ўзнагародзілі яго пераможцаў.
 |
 |
Дырэктар Беларускага дзяржаўнага архіва кінафотафонадакументаў А.М. Ганчар і намеснік дырэктара Беларускага дзяржаўнага музея народнай архітэктуры і побыту Я.І. Мікула павіншавалі рэдакцыю са святам і расказалі пра вопыт супрацоўніцтва з «БГЧ».
 |
 |
Мастацкім упрыгожаннем мерапрыемства сталі музычна-паэтычныя нумары ў выкананні мастацкага кіраўніка і рэжысёра народнага літаратурнага тэатра «Жывое слова», спявачкі Алесі Сівохінай і студэнткі 2 курса філалагічнага факультэта БДПУ Настассі Адамовіч.
 |
 |
 |
 |
