Паважаныя калегі!
Прыміце самыя сардэчныя і шчырыя віншаванні з нагоды дзяржаўнага свята Рэспублікі Беларусь – Дня народнага адзінства!
17 верасня адзначаецца свята, якое стала сімвалам згуртаванасці і адзінства беларускага народа. Дзень народнага адзінства быў заснаваны 7 чэрвеня 2021 года ўказам №206 Прэзідэнта Рэспублікі Беларусь Аляксандра Рыгоравіча Лукашэнкі і прымеркаваны да гадавіны пачатку вызваленчага паходу Чырвонай Арміі ў Заходнюю Беларусь у 1939 годзе.
Дата 17 верасня 1939 года стала актам гістарычнай справядлівасці ў дачыненні да беларускага народа, які быў падзелены супраць сваёй волі. Яна нагадвае нам пра тое, як важна захоўваць і ўмацоўваць нашу нацыянальную ідэнтычнасць і самадастатковасць.
Няхай у вашых сэрцах заўсёды жыве дух адзінства і ўзаемадапамогі, а наша краіна квітнее і развіваецца!
Са святам, дарагія сябры!
